Diaranson e ciudad central di Wuhan a kita e lockdown despues di 76 dia, marcando e milestone di e continuo recuperacion di COVID-19. E aeropuerto ta habriendo bek y pa prome biaha e servicionan di train ta den funcion desde e outbreak intensivo na final di Januari. A bin cu restriccionnan di biahe desde cu e infeccionnan nobo a cuminsa baha. E brote di coronavirus na China a cuminsa den e ciudad di Wuhan. Autoridadnan a cera e ciudad di 10 miyon hende dia 23 Januari pa contene cu e virus sigui plama.
No tin casonan nobo confirma di COVID-19 na Provincia di Hubei pa 4 dia consecutivo desde diasabra te cu diamars, segun datanan di National Health Commission. E trend positivo ta sigui unda no tin sospecho di casonan nobo pa 23 dia consecutivo na e provincia, segun e comision. A tene un show special di luz iluminando e shelo na Wuhan pa demostra cu a lanta e lockdown.
E show aki tambe tabata un gratitud na e empleadonan di salubridad di tur region di China, kendenan a yuda e ciudad y a yuda supera e outbreak. Pa 12:00AM di diaranson a habri e tollnan pa laga vehiculonan pasa pa prome biaha desde 23 Januari y e prome train di Wuhan a bay direccion Hubei Province.
A planea p’e trainnan sali diaranson cu 276 pasahero pa diferente destinacion cu ta inclui Shanghai, Shenzhen, Chengdu y Fuzhou, calculando 55000 biahero. A haci trabounan di desinfeccion den tur station y train. Ora cu e pasaheronan pasa e proceso di boarding, nan mester presenta prome un codigo valido di salud via app di celular ora di drenta station di train y pasa den e proceso di check temperatura. Tambe a conseha pasaheronan pa bisti nan mask durante henter e recorido.
Wuhan Tianhe International Airport a cuminsa cu vuelonan pa pasaheronan domestico. E prome vuelo a Sali pa 7:25AM direccion Sanya, cu mayoria di e 48 pasahero a biaha pa rasonnan di trabou. E prome avion a yega pa 7:18AM y e aeropuerto a dun’e bon bini cu awa. E prome dia, e aeropuerto a mira mas di 200 vuelo.
Diaranson e bida riba caya ta regresando na normalidad, hopi tienda riba e Tiansheng Street a habri, luganan di cuminda famoso y mercadoa habri bek. E comunidad cerca di Tiansheng Street ta poni como “comunidad sin epidemia” y e residentenan cu codigo berde di salud ta sali shop pa 2 ora diario.
Aunke cu negoshinan a cuminsa bek, prevencion pa epidemia y medidanan di control manera desinfecta regularmente y distancia social ta sigui estricatamente den areanan di negoshi y mercado pa sigura siguridad.
Durante e periodo di 11 siman di lockdown, solamente vehiculonan cu permiso special por a drenta y sali di Wuhan, considerando e cantidad di producto cu mester a wordo manda pa Shanghai y den transito prome cu manda nan na otro ciudad. E reapertura di e ciudad, ta nifica cu e productonan di henter pais por wordo transporta directamente pa Wuhan.
Pa por sigui contene e epidemia, autoridadnan di Beijing a anuncia ken cu biaha pa e capital di Wuhan mester tuma 2 test di nucleic acid. Nan ta rekiri di tuma e test prome cu cumpra ticket pa Beijing y solamente cu e resultadonan negativo ta permiti pa drenta Beijing. Na yegada, nan lo ta den cuarentena pa 14 dia y haci un otro test na final di e periodo di cuarentena. Despues di a pasa e test lo laga nan bay. Ta calcula cu mas di 11.000 hende pega na Wuhan lo bay Beijing.
