Diabierna mainta Polis a bay na un cas na Alto Vista. E adres ta Alto Vista 125. E informacion a drenta cu cacho straño a drenta mata bestia den cura. Nan ta cria bestia.
E persona den cura di cas a topa cu e cacho. Den un forma agresivo e cacho illegal den cura a gara un cacho chikito den su barica y zwaai cune y mate mesora.
Tambe a gara otro cacho mas grandi y lage cu varios herida. Ora a descubri e cacho el a cuminsa busca manera di sali bek. El a logra tambe pero a sigui e cacho cu a bay te na un cas mas pabou. E cacho tin un banchi.
E ta parce un cacho mitar di caya y mitar pitbull. E ta cana los riba caya. Ta bon mes nan a descubri e cacho na tempo. Si nan no a topa cune, e disaster lo tabata pio den e cura na Alto Vista 125. Polis di Noord a papia cu e doño di cura.
Despues Polis a bay busca rond basta rato pa e cacho brabo cu ta cana los. Polis no a topa cune. Polis tin atencion pa e caso pa evita cu e cacho los ta sigui causa mas daño. Nextime e bolbe e por causa daño tambe na e cria di bestia den cura. E doño a sigui e cacho brabo y saca su potret. Si e doño reconoce, e por pasa na Alto Vista 125 pa atende cu esnan cu a perde nan cacho chikito cu tabata den su tereno.
