Diadomingo anochi alrededor di 7:20 pm a sosode un accidente riba e caminda di Jucuri. Aki ta caminda cu un cacho a sali dilanti di un brommer marca Suzuki. E motocilista consecuentemente a cay y herida su curpa. Tin cu agrega cu, e cacho tambe a ricibi sla basta fuerte.
E cacho tabata hala rosea riba un ritmo no normal, el a purba lanta pero e lucha tabata sin resultado. Ambulance a presenta y a transporta e motociclista pa hospital p’e ricibi atencion medico avansa.
Daño na e brommer tabata basta, e shield a kibra por completo. Habitantenan di e area a yuda e cacho cu un poco awa pa djey bay cu ne den nan auto, no ta conoci si nan a hib’e pa un dokter p’e ricibi atencion medico.
