Dialuna den oranan di atardi a drenta infornacion cu a topa ladron den cas na Savaneta cu area di Sero Alejandro.
A manda Polisnan cu urgencia pa mira kico ta pasando. A drenta mondi y pidi unidadnan special tambe. A saca e helicopter mesora pa bay yuda busca.
Team di Aresto a saca unidad direccion Savaneta. A papia di arma di candela cu a mira den poder di e ladron. Pesey a bay cu extra cautela. Hasta ora di drenta mondi hendenan a mira mas hende sali core. A pensa cu ta hendenan ilegal cu ta scondi den e mondi. For di Sero y abou na rand di Sero a busca sin logra haya ningun hende. A baha cu cacho tambe pa busca den e mondi. Finalmente a stop e buskeda despues di basta rato buscando.
