Entrante awe Prins Bernhard Cultuurfonds Caribisch Gebied (PBCCG) ta entama e asina yama “Covid Art Project”. Den e cuadro aki ta invita tur artista di islanan den Caribe Hulandes pa via di medionan digital (website, mail, medianan social) manda nan creacionnan inspira dor di Covid pa PBCCG. Esaki ta posibel te cu dia 19 di mei 2021.
Lo compila e creacionnan ricibi cu lo ta visibel diariamente online den luna di juni 2021 via di canalnan online di PBCCG. E luna aki ta dedica na impulsonan artistico cu a origina for di e limitacionnan causa dor di e pandemia.
Cu e accion aki PBCCG ta expres aprecio y reconocemento pa tur e agentenan cultural y ilustra e forsa y importancia di e conexion entre arte y cultura.
Artistanan local cu, a pesar di tur contratiempo den e periodo dificil aki, cu toch a logra produci creacionnan artistico, por manda esaki na: [email protected]. Pa mas informacion al respecto, por consulta e web site: www.pbccaribbean.com.
