N’e crusada entre Avenido Milo Croes, Awakatistraat y Banzinstraat a sosode un accidente entre tres vehiculo di motor. Esaki tabata entre bus di Arubus B-66, Toyota Prado A-2913 y un Ford Fusion Hybrid A-76386. E accidente aki tabata uno basta fuerte.
Pa un motibo of otro e bus a alcansa e Toyota Prado na su banda drechi. Esaki a pasa na momento cu e Toyota Prado a lora na su man robes p’asina drenta Awakatistraat.
Polis a presenta na e sitio pa asina documenta e accidente. A pidi asistencia di ambulance pa controla persona cu tabata keha di dolor. Daño material riba e vehiculonan ta considerabel.
Segun e chauffeur, dos pasahero a resulta herida. Ta trata di un señora di edad di 59 y a ricibi atencion medico dje paramediconan, pero despues di a control’e a bis’e cu tur cos ta bon pero cu e ta mas den un shock. E otro pasahero a dal su rudia, pero nada grave. E chauffeur a sigui splica cu e chauffeur dje Toyota Prado a tuma un chens na momento cu e tabata yegando n’e crusada, aunke el a purba di desvia no por a haci nada y a alcansa e auto.
