Aña pasa dia 27 di november a topa Ana Rosa Montaño Martinez gravemente herida na Linea Park. A transport’e cu urgencia pa hospital, pero el a fayece. Te fecha di awe e famia ta pidi husticia pa Martinez den e caso di hit & run fatal.
Famia tabata pidi husticia, pero despues di un dia a bin haya esun cu a ocasiona e accidente aki. E persona aki ta un ilegal. Raisy Morillo Montaño, yiu homber di Ana Montaño Martinez, ta na Aruba pa busca husticia p’e morto di su mama. E tin hopi inkietud pa loke ta e caso aki. Husticia di Aruba no ta manera Republica Dominicana y e no por duna siguimento n’e esaki.
Despues cu el a bin, el a papia un bes so cu e fiscal cu tin e caso. Morillo Montaño ta riba e isla y su fecha di estadia a vence, pasobra e tabata kier ta presente p’e huicio. Nan ta buscando e persona cu a yud’e door di dun’e un adres. Na migracion e tabata busca un estadia, pero door cu ta trata di un caso fuerte asina aki, nan tabatin e pensamento cu nan lo haya e estadia. Cos no tabata asina.
Informacion cu el a haya ta cu e persona ta uno ilegal, no tin rijbewijs ni seguro y a laga su mama tira banda di caminda. E no sa nada mas dje caso. Segun Morillo Montaño, fiscal a indica cu persona ta deteni y no a mustra su identidad pa proteccion.
E tin hopi dia sin bay polis, sin haya informacion, pasobra siguimento riba e caso aki, husticia no ta manera su pais.
