E cambio di e codigo penal parce tey pa proteha sospechosonan mas ainda. Ehempel ta e caso caminda Bryan Navarro, cu a dal e peaton na Camacuri y cu a bira e di cuater morto den trafico, ya ta liber. Bryan Navarro a supla y tabata bou influencia. El a supla bou 560 ugl. Si e supla riba 560 ugl e lo perde rijbewijs mesora y ta keda cera.
Den e caso cu e cambio di e codigo penal, awo bo causa un accidente fatal, y supla bou 560 ugl bo no ta bay in verzekering. Esaki ta terminologia legal cu husticia y polis den e caso aki ta usa. A haci investigacion riba e accidente y parce e peaton tabata cana na e rand di caminda. E no tabata directente riba e caminda.
E chauffeur Bryan Navarro a dal e peaton cu a fayece mesora na e sitio. Hendenan cu a mira Bryan Navarro disfrutando di nos beachnan cu su amistadnan atardi no por a kere despues di sigui e noticia di polis cu a detene pa core auto bebi y causa accidente fatal. Logicamente nos redaccion a busca contacto cu polis. Polis a confirma cu berdad loke e hendenan a mira y notifica 24ora ta corecto. Solamente cu e cambio di codigo penal a yuda pa Bryan Navarro cu tabata bebi pero no suficiente ta liber bek.
Esey no nifica cu e lo sali legalmente ileso di e accidente. Lo tin un fecha unda e tin cu presenta dilanti hues pa asina duna cuenta di e accidente cu e ta envolvi. Un accidente caminda bou influencia el a dal un peaton cu auto cu consecuencia fatal. E tipo di cosnan asina ta trece disgusto. E cambio di e codigo penal awo ta mas na beneficio di e sospechoso cu e victima.
