Brandweer a activa mesora na momento cu a bati alarma pa un cas na candela den Caya Ernesto Petronia na Playa. Mirando cu ta trata di un area cu hopi cas bandi otro no a basila pa cuminsa combati e candela aki cu por a bira un peliger grandi pa demas cas.
Esaki tabata un poco prome cu 6:00 pm ora cu unidad di bombero a yega sitio y drenta den accion pa salba mas cu por di un candela cu tabata den e parti patras di e cas. A bin compronde na sitio cu ta trata di cas di famia Koolman.
Nan ta propietario di Koolman flowershop. Segun informe na sitio, ta indica cu y cu ta e motor di un walk in cooler ta locual a ocasiona e candela. E cas aki ta situa net dilanti santana na Playa. Tin di menciona tambe cu e trafico a pega cu mester a pidi mas patruya na e sitio pa asina cera ambos banda pa evita e pasada di auto.
Afortunadamente no tin ningun persona cu a resulta herida, te na e momento aki ta papia unicamente di daño material.
