Diamars atardi alrededor di 6:00 pm a sosode un accidente na altura di City Inspector na Pos Chikito, net na e t-kruising. A notifica polis y ambulance pa atende cu e accidente aki. E autonan envolvi ta un Honda hatchback y un sedan color berde.
Dos persona a resulta herida, pa cual ambulance a trata ambos na sitio. Polis di trafico tambe tabata presente pa documenta e accidente aki. Mirando cu e autonan no por a move riba nan propio forsa, a haci uzo di un takelwagen pa hala nan na banda. Daño material tabata minimo.
