Presidente di Sindicato di Cuerpo di Bombero (SINBA), Davni Roza, a presenta prueba cu miembronan di Cuerpo di Bombero den aña 2011, 2012, 2013 como tambe e aña aki dia 22 di mei, miembronan a bolbe firma contra e mal maneho den Cuerpo di Bombero.
Te cu awe no a haci nada. A presenta e firmanan aki na Parlamento di Aruba, Gobernador di Aruba, a sinta cu Prome Minister cu a priminti cu e lo tuma carta den e asunto aki, no ta sigur si acaso e lo a haci esey, a purba comunica cu su persona bek via wapp, pero sin respuesta.
Sindicato SIMBA a remarca tambe e hecho cu comunidad no a observa nan presencia riba caya, nan no a sali caya. Un di e puntonan ta indexiring. A opta pa sinta cu direfente intancia pa asina haya informacion riba e situacion di pais Aruba. Pais ta coriendo miljard den cora y pa e motibo aki no a subi caya y a colecta firma y a entrega e 5% cu e dunado di trabou a pidi di nan.
Un carta a bay pa gobernantenan den nomber di Cuerpo di Bomberonan cu nan ta desea un investigacion tuma luga den Cuerpo di Bombero. Investigacion riba e compra di computer, a haci automatisering, a bende truck di Brandweer mientras por a tende via DOW cu for di 2018 no a saca ningun vehiculo di Brandweer for di servicio y of bendi.
Roza a menciona cu tur locual a presenta awe, gobierno tambe ta na haltura di nan y no ta algo cu lo cay como sorpresa riba nan.
Bomberonan no ta hala atras mas!
Sindicato lo tene un reunion general mayan diahuebs, na post Oscar (bandi aeropuerto) y ta pasa pa un accion morocoy desde mayan en adelante, tanten cu tur locual cu tin riba papel keda cla. Kier wak presencia di landsrecherche, centraal accounting dienst y si nan no yega e accion lo bira mas grandi. Cu esaki gobierno ta haya su chens pa actua mirando cu locual ta pidiendo ta nada exsagera y no ta placa. Ta lo necesario pa un Bombero por ta trankil na su pia di trabou.
