Polis y diferente departamento di gobierno ta activo riba control di e taxinan pirata cu ta transporta pasaheronan den forma ilegal pa diferente destinacion riba nos isla.
Awe mainta pa 11:30AM polis ta duna instruccion na un vehiculo pa para den area di Elleboogstraat den centro di ciudad. A pidi su papelnan y a resulta cu e no tin nada na ordo y cu e ta fungi como taxi pirata. Segun por a compronde cu e persona aki te hasta tabata traha den gobierno.
Mas bien e persona ta bisa cu e no ta un taxi pirata pero cu ta fabor e ta haci na momento cu nan yam’e pa “lift”. Polis a atende cu e persona aki y despues di 20 minuut cu tabata den combersacion cu ne, el a rabia hopi pasobra ta kita su tempo for di dje. Y e tin hende pa bay busca.
Polis mesora a dun’e di conoce cu cos no ta bay asina, cu kisas e no ta compronde. Su vehiculo ta keda confisca pasobra su papelnan no ta na ordo y e no por core cu ne mas pa awo.
