Dialuna nochi banda di 7:00PM, Joint Rescue & Coordination Center (JRCC) di Wardacosta a scucha un mensahe cu tabata transmiti riba VHF canal 16 for di e boto piscado IVY cu tabata den problema. E boto tabata tin un cabuya pega den su chapaleta. Na e momento ey e boto tabata den laman teritorial di Aruba na más o menos 5 miya for di Oranjestad. Mes ora e Metal Shark I-09 a sali pa bay yuda e boto. Pa 7:50 PM a sleep e boto bin paden cu ne.
