NOAA: Advertencia di ola tropical pa islanan ariba

3898

National Oceanic and Atmospheric Administration (NOAA) ta informa cu tin un potencial ciclon cu ta e Tropical Cyclone Nine. Ta premira di tin hopi yobida y biento fuerte riba e islanan ariba.

E ciclon ta mas o menos 90 kilometer West-zuid-west di Dominica y 560KM Zuidoost di San Juan Puerto Rico. E bientonan ta di 45 y ta move cu un velocidad di 75KM pa ora. Pa e islanan ariba a bin un advertencia, pero e gobierno di Barbados a descontinua e advertencia di tormenta tropical pa Dominica.

A pone un advertencia pa e islanan Puerto Rico, Vieques, Culebra, U.S. Virgin Islands, British Virgin Islands, Antigua, Barbuda, Montserrat, St. Kitts, Nevis, Anguilla, Guadeloupe, Martinique, St. Barthelemy, Saba, St. Eustatius y St. Maarten. Ta conseha pa Bahamas y Cuba monitoria e progreso di e sistema aki.