Rond di 10:00 pm a drenta informacion di yegada di varios persona na tera den zona di Sero Colorado. Inmediatamente a despacha diferente unidadnan pa e sitio y a duna inicio na un accion di buskeda.
E esfuerso di autoridadnan local a duna su fruta cu detencion di 11 persona, 9 hende homber y 2 hende muhe, cu a purba di drenta nos isla di manera ilegal. Varios di nan ta cara conoci, pues a deporta nan di Aruba caba recientemente.
Durante casi dos ora agentenan di Cuerpo Policial Aruba cu varios patruya, helicopter y unidadnan di K-9 hunto cu Guarda Nos Costa y Kustwacht a plama den henter e area di Seroe Colorado. E tactica aki a mustra efectivo. Na diferente punto di e area a realisa detencion di ilegalnan cu tabata scondi den mondi.
Asina mes cu tabatin spotlight di helicopter riba nan, un di ilegalnan a dicidi di purba su suerte y a ranca sali na careda. Varios agente policial a bay su tras y a logra pone man riba dje.
Mas laat por a mir’e di cerca na boei y den custodia di polis. El a sufri rasca na su lomba y tabata mustra basta cansa; na e punto cu agentenan mester a hinc’e den e unidad di transporte.
Pa mas detaye di e accion exitoso aki lesa e edicion di awe di bo corant digital TREMPAN. Si bo no ta registra ainda, abona gratis riba www.trempan.com.
