Diahuebs alrededor di 12:00 pm a sosode un accidente cu persona herida riba Green Corridor. Ta rib’e band’i caminda for di Drive In pa rotonde Pos Chikito. Aki ta caminda cu un auto marca Honda modelo CR-V color shinishi a dal den un otro auto marca Suzuki Swift.
Ta na momento cu e CR-V a bay cambia di banda, pues di robes pa e banda drechi, y no a tuma nota di e Swift. Tanto e Swift como e Honda ricibi basta daño material. E chauffeur di e Honda a resulta herida, di cual ambulance a presenta p’asina brinda atencion medico na e victima. Na final a transport’e pa hospital p’e ricibi atencion medico avansa.
