Desde awe, Headlines Group, cas editorial di e website mas bishita di Aruba, 24ora.com, ta lansa un oportunidad nobo pa usuarionan.
E usuarionan mes por ta reportero na sitio di suceso pa nos y e potretnan y video cu manda bal un bon di gasolin. Esaki pa premia e cantidad di material cu ta drenta diariamente na nos redaccion.
Hopi biaha usuarionan ta yega hasta prome cu nos reporteronan na un sitio di incidente y ta comparti cu nos nan potretnan of nan videonan. Esey nos ta aprecia asina tanto cu a dicidi cu lo premia e usuario cu un bon di gasolin di 25 florin den caso cu nos uza e material. Tene cuenta cu e premio ta 25 florin pa e storia y no pa cada un potret of cada un video.
Www.24ora.com ta existi desde 27 di maart 2007 y a crece e ultimo 12 añanan di tal forma cu aña pasa nos tabatin 1.607.125 usuario durante henter aña, cu a representa 14% di crecemento compara cu aña 2018.
Den video nos a crece enormemente den 2019, alcansando 30.9 miyon minuut di video mira, cu ta representa un crecemento di 78%! E “trend” di crecemento ta sigui e aña aki, den cual e luna aki di januari nos a alcansa 229.135 usuario diferente, cu ta representa un aumento di 24% compara cu januari 2019. De facto….Nos ta…prome den noticia!
