Tumando na kuenta e preokupashon pa loke ta tratá e kontakto ku hustisia mas frekuente di hóbennan bou di 18 aña durante e último lunanan ,sea pa un komportashon desviante of pa delitonan kastigabel pa lei, i tambe e diferente informashonnan via diferente medio di komunikashon enkuanto e retonan ku e kadena hudisial ta konfrontando tantu paden komo pafó di esaki riba diferente area dia 21 di novèmber 2019 komishon fiho di Hustisia di
Parlamento a hasi un bishita di trabou na Justitiële Jeugdinrichting Curaçao (JJIC) ántes GOG.

Durante e enkuentro aki e miembronan di Parlamento presente a haña un splikashon amplio riba e diferente tareanan ku JJIC tin ku atendé diariamente kuné i e kantidat di retonan tantu riba nivel finansiero, operashonal, hurídiko i di infrastruktura. Tantu miembronan presente komo representantenan di JJIC a hasi uso di e oportunidat aki pa toka un variedat di tema kaminda konhuntamente a deliberá i interkambiá ekstenamente riba e
diferente puntonan di atenshon pa ámbos banda.

Despues di e interkambio aki a sigui un rekorido na algun di fasilidatnan kaminda miembronan a tuma nota di e situashon tantu na e fasilidatnan komo e area rondó di esakinan.Na nòmber di komishon presidente, sr. Jeser El Ayoubi, ke gradesí Justitiële Jeugdinrichting Curaçao pa nan disponibilidat.

Comments

comments