Fundacion Meet San Nicolas ta yena e bashi cu Carubbean a laga atras y tin seis siman cu nan ta hunto pa mira con por haci. Segun Patrick Gumbs, presidente di e fundacion, loke nan kier haci ta bin cu algo pa San Nicolas, y tambe pa henter Aruba.
Dia 23 di Mei, diahuebs, ta cuminsa cu nan actividad yama tambe Meet San Nicolas. Algo similar na Carubbean Festival.Ta bay cuminsa chikito cun’e, pasobra nan no tin sponsor. Tur cos ta core riba nan propio gastonan.
E fundacion kier pa henter Aruba sa di nan. Dia 29 di Mei tambe ta bay tin un evento cual ta Island Fest. Kier traha hunto cu nan, pa asina realisa algo pa San Nicolas. Awor aki tin mas of menos 15 vendor di cuminda y mas of menos 10 pa 15 di artesania.
Actividad Ban Topa na San Nicolas ta cuminsa 23 di Mei
Posted by 24ora on Monday, May 20, 2019
Tin dos DJ pa cuminsa. Ta cuminsa chikito for di e rotonde te pa O’Neals y despues lo bay crece. A dicidi na prome instante, cu lo haci cuater biaha pa luna. Pero a bin realisa cu 4 biaha no ta bay, pasobra Island Fest ta cuminsa dia 29 y a dicidi cu nan lo bay dos biaha pa luna si bay bon.
Ta cuminsa awo un biaha pa luna. Si cos bay bon, dos biaha. Awor aki, manera cos ta mustra, e ta bayendo asina bon cu hopi hende riba Facebook kier sostene e fundacion. Tur caminda cu nan bay nan ta haya bon reaccion. Hasta for di Hulanda nan ta haya bon comentario di nan conocinan.Un otro cos tambe, segun Gumbs, Island Fest y e fundacion Meet San Nicolas, no ta bringa otro. Si bay bon, ta San Nicolas ta bay bon y Aruba ta bay bon y ta haya bon nomber tur caminda. Si prensa ta bon cu nan tambe, yuda cu promocion, tambe lo ta hopi bon. 
Island Fest y Fundacion Meet San Nicolas, tin un diferencia. Uno ta e budget, cual di Fundacion Meet San Nicolas ta chikito y nan ta bay mas pa e comunidad. Cu esey ta nifica cu ta pa e hendenan mes y e cumindanan cu nan ta bay bende, ta realmente special cu ta wordo traha tipico na San Nicolas. Ta algo cu nan di San Nicolas sa di dje. Cu Island Fest, nan tin mas fondo y ta haci’e mas grandi y haci’e mas pa e turista. E meta ta pa comerciante y hendenan tin algo di haci. Na San Nicolas no tin nada, segun Gumbs. Meet San Nicolas no tin banda. Si loke nan ta busca pa interact cu e turistanan. Tambe nan tin tiki di Carnaval tambe. Cu esaki nan kier demostra cos di Aruba mes. E ta cuminsa pa 6’or y mey di atardi y lo caba pa 10’or di anochi.
