Minister Rudy Lampe: Gobierno kier regularisa maneho di Cannabis

Situacion di droga na scol ta uno alarmante y mayornan ta preocupa. Minister di Enseñansa, Rudy Lampe, a splica cu el a traduci un buki tocante di “drugseducatie”, di un excelente psicologo cu a trece pa colmo Aruba, pa duna tur sorto di tips na maestronan.

E buki eynan ta disponibel den librerianan. E yama “Siguridad prome”. Eynan ta haya tur vision di gobierno di e preocupacion pa loke ta e tema aki. A pone accion riba e topico aki.
Mirando presencia di droga na scol, e mandatario a splica cu e buki cu nan a traduci, ta bay traha riba dje pa e docentenan haya e toolsnan aki duna informacion.

 

Exclusivo y sin miedo: Minister Rudy Lampe y henter su lucha y hustificacion pa legaliza Marihuana

Exclusivo y sin miedo: Minister Rudy Lampe y henter su lucha y hustificacion pa legaliza Marihuana. Click link pa mas https://24ora.tv/2Hynfyp

Posted by 24ora on Tuesday, May 21, 2019

Mescos cu ta bezig cu e topico, full un serie di les riba prevencion di abuso sexual di menornan. Tin cu yega cerca e muchanan, cerca nos hobennan. Tin cu educa nan, siñanan, pa nan pensa na prome luga pa defende nan curpa. Pa defende nan salud. Pa defende nan integridad. Ta den e mesun liña ey ta traha.

E problema na scol

Gobierno no ta promoviendo cannabis bao di mucha ni hoben, segun e minister. Gobierno kier regularisa, esta trece regla. Un di e reglanan ta, cu mester tin 18 aña pariba, mescos cu alcohol. Awor aki no tin regla, pero gobierno kier bin cu regla.

Conferencianan di cannabis

Minister Lampe a splica cu tin un programa di gobernacion tocante di Cannabis medicinal. Rond mundo awor aki, ta reconoci cu e ta un remedi. E congreso tabata yama “Remedi”. E ta un remedi pa enfermedadnan manera epilepsia. Un di e miho remedinan cu tin. Paisnan, hasta Suriname ta bay spaar miyones di loke e AZV cu nan tin, pasobra nan ta bay reemplasa remedinan farmaceutico pa Cannabis medicinal. Rond mundo ta bezig cu e tema aki y e tin di haber cu proteha salud di pueblo. E tin di haber cu spaar placa di pueblo. Kiermen ta esey e ta. Un gobierno responsabel mester inverti pa spaar placa di pueblo y pa proteha salud di pueblo. E ta un asunto cu ta hasta deber di e mandatario pa haci esey.

Comments

comments