Betty Foxxx awor por graba video pornografico den cel

20136

Recientemente e artista pornografico di Spaña, conoci riba rednan social como Betty Foxxx, di 33 aña, a causa un conmocion na Aruba ora el a opta pa haci algun grabacion porno riba nos isla. For di un truck, pa riba rif y djey pa den Kapel di Alto Vista. Claro cu e ultimo aki a cay den masha mal tera, debi na e balor religioso, emocional y historico cu e Kapel tin pa nos aki na Aruba. Polis a detene pa duna cuenta di su actonan.

Con largo e detencion aki lo dura awor ainda no ta conoci, pero e leynan relaciona cu e tipo di actonan asina no ta duna pa un periodo di encarcelacion mucho largo. Di otro banda, e artista ta pega na Aruba, como cu no tin vuelo pa e por regresa su pais di origen. E ta kedando na un apartament, wardando Aeropuerto pa habri. E ultimo aki a anuncia e siman aki di lo keda cera te fin di mei ainda, pues e lo tin por lo menos 6 siman mas pa keda Aruba sin por regresa su pais.

Durante e proceso, recherche a busca contacto cu e persona cu ta “beheer” Kapel di Alto Vista, esta Robert Jeandor, cu de facto a topa e artista drentando of saliendo di e kapel. E nunca por a imagina locual e tabata haciendo eyden scondi. A pensa cu lo tabata un turista buscando bendicion of resando, manera cu miles ta haci den e Kapel ey pa hopi aña caba. Jeandor ta habri’e tur mainta 6:00am y ta cera e Kapel atardi bek.

Detencion di e artista y e proceso penal ta pa mustr’e cu den un comunidad chikito manera esun di Aruba, ta imposibel pa e por expone su mes di tal forma na luganan publico, sin cu e mester responsabilisa su mes. Ta considera e actonan sexual den publico como un delito castigabel pa ley. Fuera di e aspecto penal, e impacto cu el a causa den comunidad ta hopi grandi. Pa un hende muhe expone su parti delicado asina sin mas den un misa dilanti imagennan religioso ta un falta di respet pa clero y tur siguidonan di misa catolico. Siendo un isla cu gran mayoria ta catolico, ta haci cu e impacto den comunidad ta hopi grandi y profundo.