Minister Lampe: Pa studiantenan slaag e examen final di scol ta conta

Desde e desaroyo di crisis di Coronavirus, scolnan ta cera y pa por a sigui duna studiantenan les, a traha riba e plan di duna lesnan online. E temporada di examen final ta yegando y hopi ta en espera con lo para cu e eind diploma. Basta tempo Ministerio di Enseñansa a orienta e interes pa no perhudica ningun examen final. Directivanan di tur scol ta bay ricibi e reglamento p’e examen secundario di aña 2019-2020, segun Minister di Enseñansa Rudy Lampe a informa.

E examen central final cu Aruba ta ricibi for di Hulanda ta cancela, cu ta pone e enseñansa di Aruba ekivalente y por sigui bay studia na Hulanda. Esaki ta pone cu e diploma ta bay depende di e resultado final di examen di scol mes. Ta pone esey den e reglamento cu ta a base di e examen escolar e studiantenan lo haya nan cifra final. Tambe si e studiante tin resultadonan voldoende el a slaag, pero si esey no ta e caso tin chens pa un herkansing.

Aruba tin 2 caso mas RECUPERA di Coronavirus awe

Aruba tin 2 caso mas RECUPERA di Coronavirus awe

Posted by 24ora on Monday, April 20, 2020

Minister di Enseñansa Rudy Lampe a bisa cu ta pone enfasis cu e examen di scol ta determinante p’e diploma. E biaha aki ta pone riba mesa e time table desde e periodo di 4 mei pa 4 juni tur scol di examen, esta S3 y S4, mester termina. E herkansingen mester keda ehecuta den e mesun periodo aki. pa por ta den concordancia cu Hulanda. Den e periodo ey tur studiante lo mester haya sa si nan a slaag of no.

Pa esaki ta propone pa cumpli cu e regla di Departamento di Salubridad Publico. Pa algun dia prome cu 4 mei tin dianan liber, esta 28 te cu 30 april, p’e scolnan haci e trabou necesario di limpiesa y prepara e scol pa cumpli cu e normanan di higiena. Asina aki si tin alumnonan y maestronan cu mester bay scol pa haci e examen. A acorda e protocol cu sindicato SIMAR pa cumpli cu tur exigencia cu Departamento di Salubridad Publico poni riba mesa pa garantisa salud di un y tur.

E regla general cu e mandatario ta pidi e scolnan p’e examen final haci esaki digital mas tanto posibel. E ta pidi pa haci mas examen mondeling y por haci uzo di e tecnologia cu tin pa realisa esaki. Tambe ta pidi pa haci e examennan schriftelijk digital y tin diferente manera tecnologico pa realisa. En caso cu no ta posibel pa haci e examen digital, e ora algun studiante y maestro lo yega scol pero manteniendo e distancia social.

P’e fecha di 4 mei y 4 juni tur examen escolar mester ta afgerond incluso herkansing. Asina aki tur hende mester sa cu p’e aña escolar aki nan a logra slaag of no. Tur informacion necesario por haya esaki riba Departamento di Enseñansa, esta www.ea.aw. A stipula cu herkansing ta bay maximo pa 2 vak pa loke ta e ultimo examen escolar cu a keda realisa p’e vaknan examina, segun e mandatario. Cada scol lo ricibi tur detaye for di nan directiva.