Betty Fox cu ta un actriz pornografico a bay cera net dos anochi. Esaki pa loke el a comete den cas di Dios na Alto Vista. Den Kapel el a haci actonan sin ningun clase di respet pa un area religioso. Su actuacion a trece hopi rabia. Logicamente husticia tampoco a keda keto. Nan a cuminsa investigacion pa haya sa unda e ta kedando. A tuma algun declaracion for di esnan responsabel pa e Kapel. Djey riba ordo di fiscal a busca drechi di Betty Fox. A logra haye. El a keda atras na Aruba despues di cierre di e frontera. Despues di perde su libertad pa dos anochi, e no a para keto.
E ta liber manera un parha atrobe y logicamente mester bay graba su cosnan di porno pa asina pone riba rednan social y gana su placa. E ta bende su grabacionnan sexual riba su website. Ademas di e grabacion sin respet na Kapel di Alto Vista, e tin tambe grabacion haci den otro areanan banda di lama entre otro riba rif. Diasabra e tabata den Parke Arikok. Eyden el a keda varios ora. A bay cu un SUV te na entrada di Daimari. Djey a baha na pia y cana bay direccion Conchi cu ta un bon pida pa cana. Pronto e lo pone su grabacionnan y asina bende su producto pornografico.
E tabata acompaña pa un homber cu mas biaha sa compañe. Ora a acerke pa hacie algun pregunta, e no a aprecia masha. El a rabia y pidi pa disparce for di su area. A mustre cu na Aruba nos ta riba un pais liber y por move manera cu nos kier respetando e leynan existente. Si e kier e por sigui unda cu e kier pero mester respeta cu riba Aruba e no por dicidi unda y con nos mester cana.
