Den e temporada aki tambe hopi hende ta bishita santananan. Nan ta bay bishita e graf di nan ser keri. No ta solamente esnan cu ta bishita grafnan pa dia di mama, pero tambe otro personanan cu tin un of otro ser keri dera.
Na e santana Catolico na Zeewijk desconocinan a causa daño na diferente graf. A kibra parti di e marmer y asina kita metalnan cu tin pa bay bende. Den pasado caba hopi graf den otro Santana a pasa den mesun problema.
Ta kibra pa horta e adornonan di metal cu tin riba e marmer. Ni maske a haci denuncia of yama Polis, nunca mas a tende algo di esnan culpabel. Unico testigonan ta e mortonan y deadman don’t talk. Mientrastanto e grafnan a keda kibra y esnan cu kier drecha e graf atrobe mester gasta placa cu e momentonan aki ta basta schaars.
