Recientemnente BENU Pharmacy a adkeri Botica Palu Blanku na hermana isla Corsou.
E boticario Angelique Schoop a hunga un papel crucial den exito di e botica, cu su dedicacion el a percura pa Botica Palo Blanco bira conoci pa su servicio di calidad, un surtido unico y staf semper amabel. E botica tin 23 aña di existencia.
Hunto cu BENU Dominguito y BENU Otrobanda, esaki lo bira e di tres sucursal di BENU Pharmacy riba nos hermana isla.
Aparte di Corsou, e cadena di BENU Pharmacy ta ser opera aki na Aruba y Sint Maarten pa Visser Pharma Group. E cadena di botica BENU ta provee cuido farmaceutico di un calidad halto y di e manera aki ta eleva calidad di bida di su clientenan. Transparencia y confiansa ta balornan cu e botica tin masha na pecho y e cliente semper ta central. P’esey semper e boticario y su team tey presente den tur filial di BENU pa duna informacion y conseho necesario.
Banda di su servicionan farmaceutico convencional, BENU tin e aspiracion pa aporta na comunidad. Charlanan informativo gratis “BENU Health series”, servicio di midi presion, sucu y colesterol ta djis algun di e maneranan con BENU ta contribui na nos sociedad.
BENU Pharmacy ta un cadena di botica masha confiabel na Europa cu un total di mas cu 2000 filial na diferente paisnan Europeo, for di cua 470 ta estableci na Hulanda. BENU Pharmacy tin e ambicion pa bira un actor mas prominente den e mercado boticario riba nos isla y den cuadro di esaki a dal su prome paso cu adkisicion di botica Palo Blanco.
