Ya for di 10’or y mey di mainta, a cuminsa cu e benta di e Jeon Special Tickets na SETAR Store den Caya Betico Croes y tin cu bisa cu e ta bayendo manera pan cayente. Prijs pa ticket ta 75 florin pa entrada y VIP ticket ta na balor di 225 florin. Bin y probecha di e super special aki, pasobra ta awe so y den un ora pa otro ticket por caba.
E prijs special aki ta un regalo exclusivo di JEON pa henter a comunidad di Aruba cu a sostene durante
henter su trayecto como artista.
Tanto JEON como henter e organisacion di “Aruba Island Take Over” ta recorda henter comunidad cu ta
desea di cumpra e asina yama “Super Early Bird JEON Special”, pa yega trempan na Setar Store situa na
Caya Betico Croes, paso ta un cantidad limita so lo ta disponibel y principalmente na e prijs di 75 florin pa
seccion general y pa Standing VIP e prijs lo ta 225 florin. Cu e VIP ticket aki bo lo ta ful dilanti di e
escenario y ta dunabo accesso na tur 4 dia di festival. Esaki ta inclui e ‘Welcome Party’, Concierto, ‘Pool
Party’, y fiesta di clausura riba beach.
No lubidad, e cantidad di ticketnan ta limita.
Di November 1 pa November 4 2018, Aruba Island Take Over lo ta e anfitrion di entre otro 4 dia di evento
rond di nos isla di cual e evento principal ta e concierto diabierna dia 2 di Novemnber den Harbor Arena.
Aruba completo lo presencia pa prome biaha nos artista local JEON riba escenario hunto cu JBalvin, Bad
Bunny y Alex Sensation na Aruba.
Asina ta pura y busca bo ticket.
