Nos por a scucha e yiu declara cu Minister Sievinger ta firma tur dia y cu mi no sa cu gobierno a bay cas, pero ta bon mi mustra aki nan cu ainda mi ta sinta aki nan, masha dia mi a ruim op mi oficina pero keto bay no tin gobierno y tanten cu no tin gobierno, Minister Sievinger ta keda firma.
Kiermen si meneer Dangui Oduber no kier pa mi firma, bin sinta riba e stoel di gobierno y e ora mi no ta firma mas.
Sinembargo tampoco ta compronde loke su tata ta bise caminda su tata Nel ta manda bise cu for di momento cu AVP a perde cuater asiento, 10 mil voto y nan a perde mayoria den Parlamento y no tin esaki mas y esaki a bira oficial dia cu Parlemento nobo a sinta, y di momento cu bo bira demisionario, Gobernado ta pidi gobierno pa trata “lopende zaken.”
Aki Nel ta sigui bisa riba Facebook cu ta un mensahe cla pa su yiu cu mi ta kere no a tuma nota di esaki cu ta bisa: “ningun caminda den Constitucion y ningun ley, ta regla kico ta exactamente kico ta lopende zaken y ta manda bisa e yiu cu esun cu e tin e ley, publica esaki.”
Kiermen bo yiu ta bay prensa y grita cu nos ta firma cu no ta lopende zaken y su tata mes ta splica su persona kico ta lopende zaken y firmamento di un bestemmingwijziging of cambio di un tereno cu tin tres cuater aña bezig, segun mi, ta un lopende zaak.
Si tin caso cu ta andando den e dienstnan y tur dia mi ta haya carta pa firma di e dienstnan aki, i no por laga gobernacion stanca ya cu nos no sa te ki dia cosnan ta bay alarga, ya cu tur dia e dianan ta cambia di dialuna pa diaranson, di diaranson pa diabierna y nos tin cu haci dos trabou di Minister y di Parlamentario,” Parlamentario y Minister Benny Sievinger a declara.
