Durante dos reunion siman recientemente den Parlamento, sr Benny Sievinger miembro di fraccion di AVP a mustra cu por a tuma nota cu e lider di MEP ta papia un cos y ta haci otro cos.
“Na dos ocasion durante di e reunionnan cu ta tuma luga recientemente, e lider di MEP a bisa cu ‘mi ta haci loke mi bisa y mi ta bisa loke mi ta haci y niun di dos e ta cumpli cune.
E ta haci loke e ex lider a yega di bisa cu ‘campaña ta un cos y goberna ta otro cos.
El a bisa cu e ta bay cu shete Minister pa supuestamente bay scapa 90 miyon y mi no sa for di unda e ta bay scapa e 90 miyon aki, ya cu mi no sa di unda e ta bay saca e suma aki si bo tin dos minister menos pasobra e departamentonan cu mester bay bou di e dos ministernan aki, ta bay bou di otro ministernan.
Loke bo ta scapa ta dos salario di dos minister cu segun mi no ta yega 90 miyon pa aña pero Evelyne Wever Croes supuestamente ta bay scapa 90 miyon pa por tapa buraco di presupuesto.
Atrobe por mira na e punto cu e ta bisa un cos y ta haci otro cos y bo ta keda ripiti manera cu pueblo ta kere cu loke e ta bisa, e ta bay haci.
El a bisa shete, shete, shete Minister ta bay tin, RED a bisa cu 7 Minister ta bay tin, POR bisa cu shete Minister ta bay tin, awe cu tur tres ta sinta na mesa, e ta bay ocho of nuebe minister y e no por keda na shete pasobra e formado oficial cu ta Oduber, a Sali bisa cu si abo kier bo ta keda na shete pero ami ta dos mi kier y esaki ta mi dos Ministernan, cu ta meneer Bikker y meneer Oduber.
Kico cu e lider di MEP haci ta su cuenta, ya cu si e kier laga RED afo pa keda na shete y MEP keda cu cinco of e ta duna RED un y e mes keda cu cuater pero POR kier dos y ta duna e nombernan di Oduber y Bikker y Evelyne saca su cuenta cu su partido.
Mirando esey tin cu bisa cu lider di MEP no tin otro opcion pa bay na ocho of nuebe of tin cu sacrifica RED sino e no por a cumpli cu shete Minister manera priminti ya cu e formado oficial Oduber a bisa cu ta dos Minister e tin cu ta Bikker y Oduber.
Ya caba por a mria cu scorpioen a cuminsa pica prome cu nan a drenta awa corda ora cu nan drenta pa lanta un nan ex lider ya caba a spierta nan riba e scorpioen aki y nos por a mira loke e ex lider aki ta pone riba Facebook, su propio yiu no ta lesa esakinan.
Ya si e ex lider ta duna su yiu conseho pa no cruza riu cu scorpioen riba su lomba paso e ta pica bo, e yiu tin su siña na caminda pa motibo cu e tin experiencia cu scorpioen a pike.
