Durante e conferencia di Gobierno a anuncia e establecimentonan cu ta habri den e siguiente nivel.
Analisando desaroyo di ultimo dos simannan Aruba ta cla pa bay na e siguiente nivel,” Minister di Salubridad Publico Dangui Oduber a anuncia awe nochi.
E medidanan cu ta bay suavisa entrante dialuna awo ta cu lo elimina shelter in place, samenscholing, y e maximo di cantidad di personanan cu por ta den un luga. Scolnan por cuminsa. Esey kiermen kleuterschool, Traimerdia y crechenan tambe por cuminsa cu nan operacion.
Entrante 18 di mei tur proyecto di construccion por sigui, tambe shopping mall, y cinemas por habri nan portanan. Tambe Misa y Temponan por cuminsa ofrece servicio religioso. Por cuminsa practica deportenan habri, esta pafo y esnan cu no ta bini den contacto cu otro
Otronan cu por habri nan porta ta Restaurantnan pafo so, Barbershop, Salon di Beyesa, pero siguiendo protocolnan estricto.Loke cu no ta habri ainda ta spa, bar, niteclub y casinonan y tampoco por organisa eventonan publico.
