Tin di compronde cu tin un lucha legal andando di parti di famianan di Baby Lunah. Tin decisionnan cu a cay den corte prome y awor aki atrobe. Director di AZV Anko Ringeling, a splica cu e caso di Baby Lunah ta toca e interpretacion di ley cu ta regla AZV.
Den e ley di AZV ta para cu e aseguradonan tin derecho riba cuido di un specialista cu ta usual den e profesion di e specialista concerni. Es decir cu esun cu a traha e ley, kier a exclui cu cierto tratamentonan cu ta den un fase di experimento ainda, no ta wordo cubri pa AZV. Den e caso di Baby Lunah, e pregunta tambe ta cu si e tratamento cu e mayornan tabata desea of ta desea te ainda pa Baby Lunah, si esey ta usual den e grupo di specialista cu mester haci e tratamento ey. Esey tabata e pregunta mas principal den casonan den corte.
Tur decision cu AZV ta tuma ta wordo reevalua pa cuminsa door di LAR, e comision cu n ta consisti di huesnan, sino pa un comision administrativo cu ta repasa e decision den e caso aki, di AZV. Den e caso di LAR, a duna AZV rason. LAR a bisa cu e manera con AZV a interpreta e parti di e ley ey, dus si e tratamento cu e mayornan kier haci esey, ta usual, y AZV a bisa no, cu no ta usual. E ora LAR a bisa cu AZV a tuma un decision corecto.
Despues e mayornan a apela esey, den un caso sumario y e ora ey e kortgeding rechter a bisa pa bin un caso sumario, pa bay investigai si e decision a wordo tuma corecto, esey no ta algo cu por sosode den un kortgeding, pasobra den un kortgeding ta spera un veredicto a corto termino. Den e caso ey, ta duna mas balor na e interes di e Baby Lunah den e caso aki. AZV, anticipando riba un veredicto den bodemzaak, cubri e tratamento cu e mayornan lo ta desea y ta warda e veredicto den e bodemzaak.
Asina a sosode tambe. A cubri e preparacionnan pa Baby Lunah wordo opera. Mientras tanto e bodemzaak a wordo prepara y muy recientemente tabata tin un veredicto tambe den e bodemzaak. E veredicto aki eigenlijk a bisa cu AZV no a motiva suficientemente cu e tratamento cu e mayornan ta desea, cu e tratamento ey no ta usual den e grupo di specialista concerni.
A mustra diferente opinion di varios experto, di Hulanda, di Colombia, di Merca y p’esey riba e parti ey a bisa cu lo bay apela e veredicto di hues den e bodemzaak. Pesey ta ordo prepara awor aki pa por apela.
Pakico
Segun Ringeling, ta haya ta importante pa wak kico exactamente mester ta e interpretacion di e ley. Mester ehecuta e ley di AZV y pa nan ta importante pa mira kico ta e interpretacion corecto di e ley riba e punto aki. Ta pesey ta apela e caso.
Decision di hues
Ringeling a splica cu e veredicto di hues a confirma cu e ley ta bisa cu e asegurado tin derecho riba tratamentonan cu ta usual. Hues no a bisa cu e criteria ey no ta conta. E ta para den ley. Pesey hues a confirma tambe. Hues tambe aparentemente ta pone cierto condicion pa AZV, esta e organo ehecutivo, pa motiva pakico si ta rechasa cierto tratamento como no usual, hues ta pone cierto condicion pa AZV, pa motiva esey, pakico e no ta usual. Door di esey hues a yega na e conclusion cu na e manera cu AZV a haci’e den e caso di baby Lunah, no ta suficiente motiva. E ora ey e pregunta ta, kico mas mester a haci pa motiva esey. AZV a bin cu declaracionnan di experto, no tin un pais, sino varios pais. Pero toch aparentementr hues a bisa cu toch no ta suficientemente motiva. Door di esey AZV ta motiva e caso pa mira si e hues den hoge beroep, si ep or clarifica e or ey si e tambe ta haya cu AZV no a motiv’e bon, pa e duna mas claridad, ta kico por wordo spera di AZV, como organo ehecutivo, con mester motiva anto, si yega na un desicion asina, manera den e caso di Bby Lunah. Ta mas algo di e procedura, cu e principio. Den luz di esey, Ringeling no tin miedo cu a base di e veredicto di hued, cu awor aki e porta ta hancho habri pa tur tipo di tratamento cu eigenlijk ta experimental ainda, cu esey lo mester bay wordo cubri pa AZV. Riba esey no tin ningun cambio di maneho. Ley ta masha cla riba esey. E punto ta mas tanto den e procedura. Si AZV haya cu un cierto tratamento no ta usual con mester motiva esey pa e por carga e decision cu AZV a tuma den un caso asina, pa rechasa e tratamento ey, segun Ringeling.
