Desde awe Migracion Aruba, bou unda Warda nos Costa ta resorta ta activamente riba red social pidiendo pa tur esunnan cu tin informacion unda tin hendenan ilegal ta traha of biba, pa manda un mensahe via nan pagina riba Facebook, Migracion Aruba – IASA. E pagina aki na un prome instante a sorprende tur hende pero ta di e departamento mes. Ta mustra cu e departamento tambe ta bay cu tempo moderno y kier uza tecnologia avansa pa yega na ilegalnan. Ta sinti cu probablemente via Facebook e ciudadanonan lo tin mas “durf” pa manda un tip en bes di yama via telefon pa duna adres unda tin stranheronan indocumenta scondi. Te ainda e pagina tin solamente 2.744 “likes” y 2.822 siguido. Gobierno ta opta pa uza e plataforma nobo aki awor pa por sigui tras di stranheronan cu un status ilegal riba nos isla.
