A keda confirma cu e ausencia di drs. Mark Oduber ta bisto na METEO. Su presencia ta haci falta como profesional den e parti di METEO. Pa capricho politico a laga e departamento asina escencial den man di empleadonan cu menos conocimento riba e materia.
Awo cu e director di Meteo no ta activo mas y ta trahando awo cu Minister Lampe, a ripara cu durante e actividad sismico diadomingo atardi, e manera di proceder di METEO tabata hopi otro y amateur.
Prensa mester a warda te Funvisis of USGS indica algo, of manera ta e caso aki nos mes a bel Funvisis y keda cla mas liher. Antes semper nos tabata obtene di METEO di un manera profesional un reportahe preliminar cu yen grafico di seismometernan regional. Despues di e reporte preliminar tabata warda pa e reporte oficial.
Nos ta spera cu den caso di un Tsunami, Horcan of otro situacion di tempo, cu e calidad di servicio no baha tambe, djies pasobra un Ministro a dicidi pa hala un profesional un banda, sin tene cuenta cu interes general di pueblo.
