Durante un partijraad di e partido mas grandi di oposicion, AVP, a dicidi cu lo entama un caso contra Gobierno di Aruba. Mike Eman a comenta cu; gobierno t’esun cu a instrui Utilities pa no hedge, cual t’e motibo principal pakico prijs di coriente ta halto. A institui un comision di experto y abogado cu lo representa AVP den Corte den e caso contra gobierno.
Tur cos tabata den bon direccion pa cu energia sostenibel durante e gobierno di Gabinete Mike Eman, pero debi na falta di perspectiva, a cambia di direccion y cu awe pueblo ta paga p’e mal maneho.
AVP ta cla pa sigui cu nan lucha tur dia, den tur bario te ora cu Aruba ricibi un gobierno. Cu esaki, lider di AVP ta subraya cu lo lucha te ora cu baha e gobierno y bin cu un gobierno cu bon comun p’e pueblo. No ta un secreto, cu tur hende a ricibi recibo di coriente sumamente halto. Ta papia hasta di un aumento di 100%. Pues e rosea a yega hasta n’e partido den oposicion, esta AVP, kende si ta tende e pueblo y vocifera nan preocupacion, caminda a yega asina leu di entama un caso contra gobierno.
