a un tradicion cu RCA ta tene tur aña diferente actividad, entre otro Sinterklaas, Halloween, Pasco, etc. Segun Devin de Veer, tesorero di RCA, e aña aki nan a cambia di idea, ya cu nan sa haci diferente wega. E biaha aki hunto cu e mayornan, a reuni cu e muchanan y a organisa un Trunk or Treat.
De Veer ta sigui conta cu a purba esaki pa prome biaha y tabata un exito. Tanto mayor como e muchanan a gusta e actividad aki masha hopi mes.
Ta trata di por lo menos 50 mucha cu ta varia di edad 5 te cu 11 aña a sa di participa den e Trunk or Treat, cu a pasa busca nan mangel fo’i 10 pa 12 auto.
Devin de Veer a splica cu nan a saca varios premio. Entre otro e autonan miho decora y e miho disfraz di e muchanan. A reparti un total di shete premio.
A pesar di e futbol, RCA kier purba di trece mas union posibel y tur cos ta draai rond di e muchanan. E actividad aki hopi mucha gust’e, aunke ta un rato so. Pero e union cu el a trece entre e muchanan y toch pa wak nan for di lo normal, cual ta nan uniform di futbol, tabata un alegria pa mira nan disfrasa.
Ta di remarca di e mayornan cu tambe a duna un man p’asina haci e actividad aki posibel.
