Den reunion pa trata presupuesto di Tourism Product Enhancement Fund (TPEF), fraccion di AVP a recorda fraccion RAIZ e problema cu tin den coalicion no por tira esey riba oposicion. Oposicion t’ey den parlamento pa haci nan trabou cu ta controla gobierno.
drs. Mervin Wyatt-Ras, parlamentario (AVP), a indica cu durante e reunion tabatin yen tiramento di palabra pa loke ta e quorum, pasobra purba tira cos riba otro hende, semper ta oposicion. El a indica cu na momento cu forma coalicion “ta bo a kies p’e.” Esun cu a scoge su coalicion mester sostene su gobierno, esey ta e trabou como parlamentario.
El a enfatisa cu fraccion AVP ta cumpli cu nan trabou, t’ey n’e reunion. Pero pa loke ta trata e parti di coalicion, di cual a inclui e Presidente di Parlamento, mester yama nan hendenan y percura pa nan t’ey p’asina nan por sostene e gobierno cu ta pretende di tin. Wyatt-Ras a indica cu tin cos bruha den e gobierno, probablemente nan ta pleita of otro ta haci algo y no ta tene cuenta cu otro.
Segun e parlamentario, e ta scucha cierto pregunta haci cu por a haci na minister, pero ta bin haci nan den parlamento, pasobra ta trata di nan mesun minister. Ta pone presion riba minister den parlamento, pasobra por ta nan a puntr’e den otro ‘setting.’ E ta kere cu tin problema eynan y no mester tir’e riba oposicion.
Oposicion ta haci su trabou, nan t’ey pa cuestiona gobierno. Esey ta nan trabou, controla trabou di gobierno. Incluso ta trece dilanti e puntonan cu ta haya tende fo’i pueblo, pero den parlamento ta bagatelisa esey. Sinembargo, ta na coalicion pa tin quorum, y e presidente di parlamento no bay ‘bulldoze’ cos pa complace gobierno.
Pa mas lesa TREMPAN.COM
