Un biaha mas e Rubiano Bjorn Hart ta forma parti di seleccion Hulandes di zaalvoetbal, cu ta consisti di un delegacion di 25 hungado hunto cu staff, cu ta bay participa den Deaflympics cu lo tuma luga na estado Erzurum di Turkia. E torneo ta tuma luga entrante 28 di februari te cu 13 di maart.
E prome encuentro di seleccion Hulandes ta dia 2 di maart contra Iran. Estado Erzurum ta keda 1300 kilometer Oriente di Istanbul, y ta riba 1850 meter halto cu un temperatura di 5 grado.
E paisnan cu ta participa ta parti den diferente grupo. E partimento ta como lo siguiente:
· Poule A: Turkia, Iran, Italia y Hulanda;
· Poule B: Hapon, Brazil, Checo y Kenia;
· Poule C: Spaña, Kuwait, Algeria y Thailand.
Bjorn tin mas cu binti aña ta hungando futbol activo na Hulanda y cu su disciplina un biaha ta forma parti di seleccion di Hulanda. Nos ta desea Bjorn Hart hopi exito cu e torneo den seleccion Hulandes. Pa mas informacion di e competencia aki por bay riba e website https://winterdeaflympics2023.com/.
