Debi na tardansa pa corigi un fayo tecnico, a haci cu e vuelo di KLM no por a sali bek pa Hulanda na ora. Cu consecuencia cu e “crew” a pasa nan ora reglamentario, pa cual e capitan a hay’e ta pospone e vuelo completo. Ta pesey e avion a drumi na Aruba y ta sali awe merdia bek pa Amsterdam.
E ta un tendencia cu no sa pasa tur dia, pero por pasa. Pa varios motibo por tin tardansa pa revisa aspectonan tecnico riba un avion. Esey ta haci cu no tur ora e avion por sali na e orario indica. Como cu no tin un crew di “spare” na Aruba, ta e mesun cu a yega ta baha pa un otro sali cu e mesun avion. Mester tene cuenta cu e vuelo ta di 8 pa 9 ora pues no por tarda mucho pa sali, sino ta bin problema cu oranan reglamentario.
Mester menciona cu e vuelonan di KLM ultimamente no ta mucho yen, pues e decision pa pospone e vuelo no a causa tanto conmocion manera e lo a causa normal ora e avion ta completamente yen di pasahero. E aerolinea TUI a cancela tur vuelo por lo pronto, asina cu casonan di Covid a bolbe lanta cabes. Aunke cu pa e luna aki nan tin 6 vuelo ainda y un vuelo bashi pa hiba tur pasahero pega na Aruba bek pa Hulanda.
