Diahuebs nos di 24ora a presenta na un apartamentO na Ponton, unda cu un persona cu ta huur e apartamento a haya problema cu doño di cas.
E cabayero a bisa di ta basta preocupa debi cu doño di e apartamento kier saca nan afo sin ningun consideracion. Debi na e problema cu a surgi cu e crisis di coronavirus, el a cay atras cu pago di huur di e apartamento. E ta Barbero di profesion y e luga a keda basta tempo cera pa cual el a cay den un atraso. Berdad e Barberia a habri atrobe, pero e fluho di cliente no ta manera antes. Awendia loke nan ta haya ta mas o menos 3 cliente pa dia y no ta trece suficiente placa aden.
Asina mes el a busca aki aya y a logra cera 500 florin pa paga huur. Sinembargo e doño no kier tende y ta insisti riba e 700 florin cu e ta cobra pa huur di apartamento. Prome cu e situacion aki a surgi, nunca antes el a keda sin cumpli cu su deber. Si e no a paga e 700 florin, e doño a bisa di loke sake afo “y mi no tin caminda di bay y mi no tin mas placa. Mi tin un yiu chikito. Mi kier yega na un acuerdo. E pandemia a complica e situacion pa tur hende,” el a bisa.
E ta biba cu su casa y su yiu chikito den e apartamento. Polis tambe a presenta na e sitio pa asina calma e situacion. E doño a bisa cu si awe e no pague elo saca e cu su famia pafo riba caya. El a bisa e no tin mucho entrada debi cu COVID a bin y e ta traha na un barbershop y ta corta 3 cabey so pa dia.
