Den luna di augustus, Cosecha tin un programa varia di workshops creativo den su Creative Center na San Nicolas. Durante di e workshops creativonan aki tur precuacion di hygiena y seguridad lo wordo tuma en conexion cu Covid-19; social distancing, set-up di seating, ta obligatorio pa tur persona den Cosecha bisti mondkapje y lo tin handsanitizer disponibel.
Diasabra 22 di augustus, Claudia van Kessel ta sigui cu e linea Asiatico di mosaic cu e ta duna na Cosecha. E biaha aki bo por traha un slipper. Manera ta standard di e workshop aki, ta traha e piesa na Cosecha di cual piesa tin hopi detaye y lo haja material y instructions pa hasi e grout na cas. E workshop lo tuma lugar di 10.00 am – 12.30 pm. Edad pa por participa ta 15 aña bay ariba y e prijs pa por participa ta AWG 50.00.
Diabierna 28 di augustus, Merveline Geerman ta sigui cu su tayernan popular di mosaic unda ta traha diferente parha local. E luna aki por traha un bunita diseño di gay. E workshop lo tuma lugar di 05.00 pm – 08.00 pm. Edad pa por participa ta 15 aña bay ariba y e prijs pa por participa ta AWG 50.00.
Diasabra 29 di augustus, Ana Luidens ta bai ofrece na Cosecha un workshop unda por pinta un tas, den e caso aki e lo ta un clutch bag. Ana lo guia e workshop aki pa siña participante con por pinta nan mesun tas y asina wordo introduci na e disciplina aki di arte y moda. E workshop lo tuma lugar di 02.00 pm – 04.00 pm. Edad pa por participa ta 15 aña bay ariba y e prijs pa por participa ta AWG 50.00.
Tur prijs ta inclui material y refreshment.
Inscripcion ta necesario y esaki ta tuma lugar na Cosecha Oranjestad.
Pa mas informacion por tuma contacto cu Cosecha Oranjestad na telefoon 5878709. Tambe por manda un email na [email protected]. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha
