Minister di Enseñansa y Deporte a tene un conferencia di prensa unda el a papia riba diferente topico. E mandatario a indica cu e ta den e parti di scucha veld y profesional pa yega na decision balansa cu tur ta carga miho pa enseñansa.
Endy Croes, Minister di Enseñansa y Deporte, a splica cu semper a resalta den esaki ta calidad di enseñansa y cu tur ta boga p’e lifelong learning, y parti pa tur hoben haya acceso p’un enseñansa di calidad. Data ta importante pa tin e na un nivel pa haya esaki di biaha. Via data por conduci y stuur na un miho manera e plataforma di enseñansa den su totalidad.
A hiba combersacion cu Departamento di Enseñansa cu tin un sistema di Open Ames haya di Unesco pa compila data. Asina ey por maneha Departamento di Enseñansa na un miho forma. A mira cu tin deficiencia y segun e mandatario nan a atende esey mesora. E ta spera cu dentro di poco, esta dos of tres luna, nan por ta eynan tambe. Un ehempel duna tabata SKOA cu tin 46 scol y ta haci gelink na un sistema cu e directornan ta yena data di tur alumno.
Directiva di SKOA ta ricibi tur informacion, pero e traspaso di 46 scol pa sistema di Open Ames di Departamento di Enseñansa no t’ey, esta e link. E mandatario a expresa di pidi cooperacion di Departamento di Enseñansa pa combersa na nivel di director riba protocol. El a pidi pa Departamento di Enseñansa pidi kico nan mester di informacion entre otro SKOA.
Di otro banda e Ministerio di Enseñansa a papia cu un compania pa bin c’un interface memey pa dentro di poco e data por yega na un forma diario, semanal, pa luna. Esey ta pa por tin data di SKOA por ehempel. Dienst Publieke School (DPS) ta core un tiki mas atras y falta pa crea sistema y e siman aki lo atende cu esey.
Pa cobertura mas amplio, lesa e edicion di TREMPAN mañan.
