Comunidad atento riba comportacion sospechoso. A observa algun hoben den area di Madiki cu algun bicicleta cu tabatin indicacion di tabata horta un par di dia prome.
Den careda di 2:00 pm a pidi presencia di polis na un Mini Market den Madiki pa algun hoben cu a presenta eybanda cu dos bicicleta. Segun por a compronde, algun habitante lo a indica cu e bicicletanan ey ta procedente di ladronicia.
Polis a haci pregunta na e hobennan pero esaki no a bay mucho bon. A cuminsa falta respet, no por a indica di unda a cumpra e bicicletanan y adicional no tabatin algun cos na ordo pa por core e bicicletanan.
A opta pa confisca e dos bicicletanan. A transporta nan pa warda y asina cu por presenta cu e documentonan necesario, lo debolbe nan e bicicletanan.