Den Sero Colorado tin un situacion cu merece atencion. Tin un habitante femenino di inicial D. cu tabata biba na Sero Colorado 359, pero no ta biba eynan mas. Pero a constata cu regularmente e ta trece cachonan pone nan den e cura. E cas ta bandona y sin mantencion. Segun informacion, e señora ta busca cacho entre otro na shelter y pone nan eynan den e cura.
Den su pensamento ta yuda e ta yudando e cachonan pa asina nan no wordo mata. E realidad ta cu e cachonan ta wordo poni pa nan cuenta na un cas bandona y ta keda un of mas dia cu no ta presenta pa duna cuminda of awa. Ta hendenan cu a constata e situacion aki a actua.
Tin bisiña cu a nota e situacion y ta duna e cachonan cuminda y awa. A avisa demas instancianan caba di e situacion. E ta un maltrato di bestia. Animal Rights mester cay aden pa mira kico tur ta pasando. Autoridad tambe mester atende cu e cos aki.
Spera cu pronto nan atende cu e señora pa asina no keda comete maltrato contra cachonan. Ta un negligencia total! Den nos poder tin hasta video cu ta mustra den ki situacion e cas ta y ki situacion e cachonan ta bibando aden.