Riba diadomingo anochi shelo lo ta levemente te parcialmente nubla y generalmente seco den marduga y mañan lo sigui levemente te parcialmente nubla sin awasero di importancia. Den dia biento lo supla fuerte te duro, posiblemente de bes en cuando hopi duro den rafaga cu forsa 6 te 8 (40 te 64 km/or, 22 te 35 nudo)
Situacion general di tempo pa proximo 24 ora:
No ta spera mucho cambio den e tempo cu tin actualmente y un tempo generalmente seco lo domina. E biento lo keda fuerte ainda durante proximo dos dia, prome cu e bira menos den curso di diamars pa diaranson.
Condicion di lama:
Por spera un estado di lama modera te localmente poco bruto na e partinan oost te noordwest pa e proximo 24 oranan. Olanan lo ta for di direccion oost entre 4 te 9 pia. E olanan di mas halto ta na e partinan oost te noordwest.
Alerta:
Un aviso pa boto chikito ta sigui na vigor. Ta suplica doñonan di boto chikito pa bay cu cuidao riba lama, specialmente riba partinan oost te noordwest.
Fenomenonan special:
Deprecion tropical nr.1 a sigui intensifica y a bira tormenta tropical Arthur, moviendo riba ocean Atlantico pega cu costa Mericano banda di Cape Hatteras, na North Carolina y no ta forma peliger pa e area di Caribe.
Pronostico di tempo pa proximo 3 dianan:
Shelo lo ta parcialmente nubla y generalmente seco. Biento lo supla for di direccion oost, modera te basta fuerte y duro den rafaga. Temperatura max / min lo ta: 33 / 27 grado Celcius.
