Pastoor Stanislaw informa cu despues di 2 luna cu a stop di celebra Misa, cu lo habri porta di Misa bek pa e fielnan riba diamars dia 19 di mei. Ta invita fielnan pa asisti na Santa Misa diamars 7:00pm. A adapta orarionan di Misa pa asina tin suficiente tempo pa por desinfecta Misa despues di cada celebracion.
E orarionan nobo ta lo siguiente:
- Diadomingo tin 5 Misa (un adicional): 7:00AM – 9:00AM – 11:00AM – 5:00PM y 7:00PM
- Dialuna: 8:45AM (esaki a keda mesun cos)
- Diamars te cu Diabierna: 7:00PM
- Diasabra tin 2 Misa (un adicional) 5:00PM y 7:00PM
- Ta cancela Santa Misa na Madiki te cu proximo aviso.
Asina cu yega e cantidad maximo aki, cu duele na curason, lo no por admiti mas hende den Misa. Misa tambe tin cu tene su mes na protocol di Gobierno cu ta e.o distancia social y higiena. Lo tin handsanitizer na entrada di Misa, pa tur fielnan.
Mas leu ta informa fielnan cu lo haci uzo solamente di e entrada principal pa tur esunnan cu ta desea di asista na Santa Misa. Lo NO lo tin awa bendita na entrada, lo NO lo duna pas y tampoco lo duna Santa comunion den man. Ta pidi di awor pa tur esunnan cu ta sinti nan curpa malo, pa por fabor keda cas. Tur intencion di Misa mester wordo entrega no mas laat cu 15 minuut prome cu Misa cuminsa na pastorie.
Tambe ta informa tur fielnan cu lo cuminsa tuma inscripcion pa bautismo cu lo tuma luga dia 28 di juni (luga pa bautismo tambe ta limita). Tur procedura lo splica e fielnan prome cu Santa Misa y ta pidi desde awor compresion y cooperacion pa cu esaki.
