Den Kerkstraat a tuma luga detencion di un sospechoso, cu awo tin cu bay duna cuenta riba un gran cantidad di marihuana cu a haya riba dje.
E detencion aki a pasa den careda di 3:00 pm den area patras di Corte. Yen di paki di marihuana den un rug tas, cu tabata den su poder na momento di control. E auto ( Toyota Matrix color blau) tabata staciona den verboden, riba un zebrapad, patras di Kini kini Building na Playa. A cuminsa un control riba e vehiculo pa documento y a bin resulta cu nada no tabata na ordo ni tabata cuadra.
Mientras tabata bezig cu e control, a bin topa cu un tas cu gran cantidad di paki di marihuana, no pa uzo propio pero droga paketa den bulto grandi cu ainda tabata falta pa separa y parti den cantidad chikito. Propablemente pa benta na publico.
Durante control e chauffeur di e dicho auto a confirma cu en berdad, e vehiculo mal staciona ta pertenece na dje, como tambe e tasnan den e vehicluo. Automaticamente inculpando su mes. Mesora a pasa na detencion di e persona aki, como tambe confiscacion di e vehiculo .
Departamento encarga lo tuma over y asina cuminsa investigacion, interogacion pa asina mira procedente di e droga confisca y sigui cu e proceso di detencion pa posesion.
