A sosode un accidente entre brommer y auto dialuna atardi den careda di 5or. Esaki Tabata den e distrito di Santa Cruz den Macuarima.
Un chauffeur den un Toyota Tercel biniendo for e area di Yucuri yegando e crusada dilanti 88 Foodstore a bay subi e caminda grandi di Santa Cruz sin duna preferencia. Aki un homber riba un brommer tipo Keeway a bai dal den e parti patras di e porta di e Tercel. E motociclista a bay halto y keda benta algun meter riba caminda. Ambulance a yega rapido na e sitio pa atende cu e homber benta riba caminda y kehando di basta dolor. E brommer a keda benta y a lek zeta riba caminda. Polis a basha santo riba e azeta pa asina Evita mas desgracia. 
