Diaranson anochi alrededor di 10:00 pm a sosode un accidente dilanti CITGO Tanki Leendert. Ta entre un auto y un brommer. E brommer tabata cabes pabou y e auto pariba. E chauffeur di e auto marca Nissan modelo Tiida no a paga tino cu e brommer tabata biniendo for di pariba.
El a tuma un chens p’asina bay tank su auto na e pump station. E brommer a bay dal contra e porta banda drechi di e auto. Daño material tabata minimo. Polis a cera caminda pa e specialista di trafico documenta e accidente aki sin ningun problema. Ambulance tambe a presenta, caminda a brinda atencion medico na e motociclista cu e resulta herida.
