Awe rond di 4:00am, bisiñanan den Caya Ernesto Petronia a scucha un zonido duro. Pafo a nota con un auto a baha caminda, kibra drenta den cura di santana “Acacia”.
A nota cu e auto tabata bin asina duro cu despues di kibra e cura ainda el a bay dal y pega den dos kelder paden, lagando hasta un caha di morto destrui y habri. Ta trata di un auto marca Toyota modelo Supra color blanco cu number A-391395, den dje e chauffeur masculino y un pasahero femenino.
Ambulance a yega mesora pa brinda asistencia, pasobra debi na e impacto fuerte, ambos a resulta herida. E daño na e auto tambe ta considerabel, mescos na e santana.
E pasahero a conta na e sitio cu un auto, sea un SUV of pick-up color blauw scur, a dal den nan mas prome y nan tabata persiguiendo e auto aki. E auto tabata core duro, pa cual nan tambe mester a aumenta velocidad.
Pero na Ponton dado momento nan a bay hala pa no dal tras di e otro auto, cu consecuencia cu a ranca un borchi di trafico, perde control y a bay dal den cura di santana.
Polis ta investigando e caso aki. Ambulance a transporta ambos victima pa Hospital pa ricibi tratamento medico avansa. E chauffeur tabata for di tino.
