Awe tardi den careda di 2:00 pm, algun habitante di Moko a bati alarma pa un vehiculo cu a accidenta y bolter riba caminda principal di Moko. Testigonan a indica cu e chauffeur a baha y bandona e sitio.
Na yegada di e prome patruya en berdad a bin encontra un auto cu tur cuater taira pa laira y tur pertenencia gespart rond riba caminda. Local nan no por a encontra ta e chauffeur, cu segun e testigo, a bandona sitio.
A pidi demas colega pa bin yuda cera caminda, mirando cu awa tabata yobe y trafico tabata pisa. A indica cu e wak e chauffeur aki (un homber color cla) ta cana direccion zuid, cu e tabata mustra herida y tabata cana manca. Te na momento cu 24ora tabata presente no a logra localisa e chauffeur aki.
