Diabierna anochi alrededor di 8:00pm polis a presenta na rotonde di Tarabana p’un accidente. Aki ta caminda cu un auto a alcansa un peaton. E accidente a sosode na altura di Ying Ping Mini Market. Segun e testigonan; e peaton a caba di sali cu algun comestibel for di e supermercado menciona y na momento di crusa caya, no a ripara cu un pick-up tabata biniendo cu velocidad halto fo’i e rotonde.
E impacto tabata basta fuerte. Tur e comestibelnan a spart riba caminda. E peaton a ricibi basta sla na su pia y brasa. Ambulance a presenta pa brind’e victima atencion medico mientras cu polis di trafico a documenta e accidente ‘ki.
